جمعنا لك أكثر الأسئلة اللي تجينا من المقاولين ومسؤولي المشتريات. ما لقيت إجابتك؟ راسلنا على واتساب.
كيف أطلب عرض سعر؟
أرسل لنا على واتساب أسماء المنتجات والكميات وموقع المشروع، ونرجع لك بعرض سعر. وتقدر تضغط زر الاستفسار في صفحة أي منتج، ويوصلنا اسم المنتج ورابطه مباشرة.
ليش ما تظهر الأسعار في الموقع؟
لأن السعر يختلف حسب المنتج والمقاس والكمية، وطلبات المشاريع غالباً لها تسعير خاص. لذلك نرسل عرض سعر يناسب طلبك.
هل توردون بكميات للشركات والمقاولين؟
نعم، نخدم شركات المقاولات والمقاولين وشركات الطرق والسفلتة والشركات المتعاقدة في مشاريع البنية التحتية، ونسعّر حسب الكمية.
وين موقعكم؟ وهل توردون خارج الرياض؟
مقرنا في الرياض. راسلنا بموقع المشروع والكمية، ونأكد لك إمكانية التوريد والمدة قبل اعتماد الطلب.
وش المنتجات اللي توفرونها؟
ثلاثة أقسام رئيسية: السلامة المرورية مثل الأقماع والحواجز واللوحات، وسلامة العاملين مثل سيفتي شوز والخوذ والسترات العاكسة، ومكافحة الحريق مثل الطفايات وأجهزة الإنذار.
كيف أعرف مواصفات المنتج ومعاييره؟
المواصفات والمعايير المتوفرة مذكورة في صفحة كل منتج. وإذا عندك شرط محدد من الاستشاري أو مالك المشروع، أرسله لنا قبل الطلب عشان نوضح لك المتوفر.
هل عندكم كاتلوج؟
نعم، تقدر تشوف كاتلوج المنتجات PDF، وحجمه حوالي 4 ميجا.
وش ساعات العمل؟
من 9 صباحاً إلى 6 مساءً. وتقدر تراسلنا على واتساب في أي وقت، ونرد عليك في أقرب فرصة.
أي طفاية حريق أختار لموقعي؟
يعتمد على المادة المحترقة ونوع النشاط. البودرة الجافة شائعة في المواقع والمستودعات، وCO2 لمناطق الأجهزة الكهربائية، والكيماوي الرطب للمطابخ التجارية. التفاصيل في دليل أنواع طفايات الحريق.
وش الفرق بين سيفتي شوز S1 وS3؟
S1 يناسب الأماكن الجافة والداخلية، وS3 يضيف مقاومة تسرب الماء ونعل مقاوم للاختراق بنقوش، فيناسب مواقع البناء والأعمال الخارجية. اقرأ دليل اختيار سيفتي شوز.